Pūtake Mahi

Ko te pūtake mahi o Te Ohu Pānga o Ngāi Tahu:

Ko te whiwhi, ko te whakahaere, ko te tiaki hoki i ngā umanga e whakanui ana i te mana o ngā rawa taiao.

Hei whakamārama i te pūtake mahi:

Mō ngā tāngata, ka whiwhi, ka whakahaere hoki a Te Ohu Pānga o Ngāi Tahu i ngā umanga ka whai hua i ngā tikanga me ngā kōrero o te iwi o Ngāi Tahu.
Mō te moana, ka whiwhi, ka whakahaere hoki a Te Ohu Pānga o Ngāi Tahu i ngā umanga e whakanui ana i te mana o ngā rawa o Tangaroa i rāro i tō tātou kaitiakitanga
Mō te whenua, ka whiwhi, ka whakahaere hoki a Te Ohu Pānga o Ngāi Tahu i ngā whenua nō roto tonu i te takiwā e whakanui ana i te mana o te whenua, e whakamahi paitia rānei i te ao tauhokohoko

Ngā Umanga Haumi

I te kaupapa ka whakatakotoria e te pūtake mahi, ka aro ngā haumi o Te Ohu Pānga o Ngāi Tahu ki ngā wāhanga o ngā kamupene āpiti e whā nei:

He whānui rawa ngā mahinga me ngā ao ōhanga o ngā kamupene āpiti nei. Nā te whānui o ngā tohatoha haumi, ka whakatakotoria te ara matawhāiti, hei whakataurite rawa i ngā ao tauhokohoko hurihuri ki te whakaheke iho hoki i te tūpono mā te iwi, hei whakanui i te whakahokitanga ki te iwi me te whai wāhi anō kia haumitia anōtia. Hei tāpiri atu, i ngā kamupene āpiti ka tohaina whānuitia ngā rawa kia whānui hoki te tipu o ngā aronga hokohoko.